Menalari fe Globasa in moy netodom

In Globasa.info, denwatu hu ren per-levita lexi, Globasa-basatayti precu ton maxpul informe ji lexiasel. Dento sahay na aham Globasa-texto. Na hare samapul funsyon in moy netodom sen ible. Cel dento, am kopi eskripu fe sayfa-peda ji am plasi to in kodi-dom (console) de yusu neto-brawsetul (Chrome, Firefox, jmt). Hay video fe infer cel na onexa.

Eskripu yongu maxim nerleli versyon de Globasa-menalari. Fe asif, to no funsyon in bannumer netodom koski eskripu fale HTTP-peti cel exli netodom (cel na xorhare menalari) ji bannumer netodom (denpul kom Globasawiki) bloki denpul peti.

Cel na hala hin problema, hay alo versyon de eskripu feki inhare de menalari uje sen in eskripu. Dento sengi eskripu dayday, mas nil exli HTTP-peti behaja. Denmaner, to funsyon pia in Globasawiki ji aloloka.

Unyum eskripu, am jandan kopi ji inplasi to in kodi-dom de brawsetul ji na presyon "Enter". Xafe dento, am idi per lexi hu da sonzay in Globasa: https://gist.github.com/Vanege/c8518a96f280fc20c0b79242d18749ec

Video: ku kemaner na yongu Globasa-menalari in moy netodom: https://www.youtube.com/watch?v=h9ykv0NBurk

Duayum eskripu, hu da uje inhare menalari fe xoru fe 2025. Hin eskripu funsyon in max netodom, mas menalari no sen fe maxim nerleli versyon: https://gist.github.com/Vanege/9960ec5d28b650391d2a20dc55046f97